Janina (Monika Schär)

geschter im Bett hesch mer "Janina" gseit
i ha dänkt, i ghöri ned rächt
s'sig' nur en Joke gsy, hesch Du gmeint
aber die Usred esch huere schlächt

i kenne viel Lüt aber nur ei Janina
und die esch ned grüen hinder de Ohre
sie cha ihri Händ ned vo mine Fründe loh
gäg' sie han i scho mängisch verlohre

Prechorus
jedi ander hätt's dörfe sy - aber ned scho wieder die
worum gheie alle Manne uf d'Janina ie?

Chorus
Janina - und wieder hesch mer eine gnoh
Janina - für De wird är mi verloh
und wenn er wäg esch vo mer, wottsch ne au nömm be Der
Janina - i cha Di ned usstoh

bis geschter esch mini Wält in Ordnig gsy
ha gmeint, Du sigsch das Mol ned interessiert
jetzt weiss i, das esch en grosse Fähler gsy
chuum han i mi g'kehrt esch es passiert

Bridge
Irgendeinisch, das weiss i ganz genau
wärde mer eus irgendwo wieder gseh
dänn stiehl' i DIR für einisch d'Show
und tue DIR mol richtig weh!