Coupé (Monika Schär)

Geschter won i bi go poschte
Han i unterwägs en Ma atroffe
dä hett en Hund gha mit spitze Ohre
und em’ne churze Schwanz, me seit däm au Ruete

dä Hund isch gwüss chli gfürchig gsy
mit sini gspitzte Ohre
doch won i nööcher ha häre gluegt
han i gseh, dä wär nid so

Chorus
e coupierte Hund
wett i nie, niemeh gseh
wenn me sim Bsitzer s’Glyche mit Ohre & Schwanz tät
das täti sicher weh

i ha dä Ma gfrogt worum är das hett gmacht
ond für was das ächt guet sig
är hett mi bös aagluegt ond ganz knapp gseit
”das goht di e Schyssdräck aa!”

de Traum vo däm Hund
cha schnäll dütet sy
är packt sich e Schääri
ond macht s’Glyche mit däm Ma